不過我又總係想搵d野黎update下呢度
最後都係揀左Night Head Genesis
首先為呢套動畫做個簡介：
據說人類的大腦有70%沒有被開發。
也有人認為人類那些不可思議的力量就隱藏在那其中。
隱藏在那沒有被利用的70%的大腦容量之中……
而這70%的大腦稱為"NIGHT HEAD"
霧原兄弟由出生開始就擁有超能力。哥哥直人(CV：森川智之)有既係"念動力"，即係類似隔空取物既力量，不過年幼時既佢因為未識得控制自己既力量而成日無意破壞物件同傷害他人，令周遭的人都好怕佢；弟弟直也(CV：石田彰 <-- 如果唔係石田配，我都唔會睇呢套都幾恐怖同匪疑所思既動畫[奸笑])有既係讀取既能力，只要一接觸到其他人，就會立即讀取到對方既記憶與感受（更有可能將這些資訊透過腦電波「傳」給附近既人），無論係咪佢本人情願既情況，令佢非常怕接觸任何人(除左直人)。
左邊係直人，右邊係直也。就係因為佢地不可思議既能力，佢地自小就被強行帶到研究所隔離，並且學習控制自己既力量。兩兄弟一直相依為命，直人非常愛惜直也，決心要做個好哥哥保護直也，形成堅強既個性。直也亦因此非常依賴直人，久而久之長大成為一個頗為懦弱既人。由於研究所被結界包圍，令佢地無法逃走。直至15年後既一日，設下結界既人死左，佢地先走到出黎。直人一直渴望帶直也離開研究所，得到自由，並且過正常人既生活。直也雖然對外面陌生既世界感到恐懼，但係為左跟隨哥哥、令哥哥可以安心離開，於是只可以頂硬上。故事就係由佢地出到外面既世界，引發"負面"力量既時候開始。
呢套既係驚慄片、心理片，又似另類既偵探故事，因為佢地開始嘗試用自己既力量阻止一d慘劇既發生，雖然咁做令佢地受左唔少苦。佢地咁做一半係為左幫人，一半係為左查明佢地既身世。
"簡介"講完，講番呢集喇。先旨聲明，由於我偏好直也(其實係石田[再次奸笑])，因此寫感想時會偏向於直也。呢種偏向鍾意既角色黎寫感想既情況將會發生係其他既動漫感想中，請大家唔好見怪~
呢集講到佢地番到自己既舊居，發現成間屋唔見左，佢地既父母就更加唔知去左邊。最離奇係路人一口咬定個度一直都係空地，無人住過。正當佢地疑惑之際，就見到研究所既人。唔係捉佢地番去，只係俾錢佢地同埋叫佢地聯絡所長，即係教佢地習控制自己既力量既人。所長話佢地既父母可能係受到佢地既情感影響導致時空錯亂(?)而失蹤，要佢地自己搵答案。
呢個時候又發生連環命案，不過今次既3個死者都係自殺，仲要係好朋友。所長叫佢地查，直人原本唔願理佢，但直也堅持要查。直也果然係因為上次第一次能夠用自己既力量救人而感到有少許鼓舞，所以即使會令到自己痛苦都積極嘗試幫人，開始變得堅強喇~ (安慰中)於是兩人去案發現場，直也嘗試找尋線索時突然暈左，然後好似俾死者上身咁，無意識地重演一次自殺過程，幸好直人好快就整番醒佢。直也好慘啊！
跟著佢地到死者既學校查，直也又因為讀到一d人醜惡既心聲同記憶而感到非常難受，要到公園休息。講真，如果我好似直也咁擁有呢種讀取能力，我都會輕易地崩潰吧。畢竟世上有好多事情係我地明知既，不過又唔想去了解，因為現實太黑暗、太殘酷喇。有時候如果好似細老仔咁無知，或者反而會活得更幸福快樂。
之後係公園又撞到死者既另一個朋友，想問清內幕，個個女仔又無乜頭緒，不過兄弟從佢口中大概知道既同靈體復仇有d關係。最後係個晚，個女仔見到佢死左既朋友既靈體，被佢地說服佢自殺...
希望某人睇完我如此長盡既review後對呢套動畫有多d理解同興趣~
